Ueli Seiler-Hugova | Us äm Nüt cha mängisch o Aues cho

Aphorisme sy so öppis zwüsche Prosa u Poesie. Mi weiss nie gnau, zu weler Syte si gö go nächbärle. Äs sy so Gedankeschprüng. Die springe de mängisch desume wie jungi Füli. U mängisch sy si träg wie ne Chue, wo am Bode liegt u wiederhout das chöuet, was sie gfrässe het.

Um was für Theme geits de unger angerem inhautlech? Über d Coronazyt wird gschprächlet; ds gfüute Wüsse u ds Gwüsse beschriebe; Betrachtige vom Sunneufgang Jungfroujoch wärde gmacht – u d Frag, ob us äm Nüt mängisch ou Aues cha cho, wird beantwortet.