Christian Bärtschi | Begägnigi & Gmüschter

Was ween äs Läbe oni Begägnigi! We ma wien ig cha zrugggschoue uf nes lengs Läbe, so sy mer d Begägnigi mit bsundere Mentsche öppis vam Wichtigschte. Mi cha zwar og wunderbari Beziehigi haa zu Tier ol zu Landschafte, aber nüt giit uber d Erfahrigi, wa ma im Zämehang mit Mentsche macht. Zur rächte Zyt de rächte Mentsche begägne (äs chönen og historischi Figure sy): Das han ig als äs groesses Glück erläbt un als ä groessi Berycherig empfunde. Würkligi Begägnigi sy Gschenk. Mi cha si nät verdiene, aber offe cha ma sy derfüür. In däm Buech wellt ig an äs par erläbte Gschichte  ziige, wie wichtig fur mig ds Zämeträffe mit söttige Mentsche worden ischt u wien daas mitgholfe het, mig zun däm z mache, wan ig hüt bi.